#男朋友識影相好重要
#男朋友識影相好重要
#男朋友識影相好重要...

#男朋友識影相好重要
#男朋友識影相好重要
#男朋友識影相好重要

好重要所以要講三次！！！

休息一晚已經急不及待想同大家分享下

對女仔來說～去旅行除左食買玩
仲有樣好重要既就係想影多啲靚相！

利申：我唔係果啲一個場景要影一百個pose既女仔
我都唔鍾意喺一個地方影成粒鐘浪費青春
我好收斂 通常遇到啲真係好靚好特別既我先會叫麥仔幫我影


我都有自知之明
我唔會期待麥仔將我影到鍾嘉欣咁
我都只係想要張影得我比真實靚小小既相姐～
我知我唔靚～但都唔好影到我真係咁醜嘛
而麥仔總是做得到。


話說我同麥仔去左南北韓邊界參觀
真係好難得咖一世人可能真係唔會去第二次
都真係好危險咖嘛唔知下秒恩仔會唔會射q死我地


旅程中有個韓國兵哥同我地堆旅客影相
點知影完出來我一睇番
喂！！！您做乜影到我又肥又矮！
重點係同一場景同一企位我影到佢又高又瘦喎！！！


唉都唔係第一次～
麥仔既影人技巧真係超班
我臉好大 佢就會zoom近 驚死人唔知我臉大
每次睇番張相我都有點噴血！
佢影我既相真係唔敢post上自己ig/fb


然後我全程問佢：
唉點解我影到您甘高瘦您要影到我甘肥矮
麥仔：咁您真係肥矮...
我再問：點解您唔可以幫我影啲女神相
麥仔：咁您真係唔係女神...
我再再問：人地又話您愛果個人會影到佢最靚一面
麥仔：咁我都唔鍾意您...


唉真係吹佢唔漲
希望有生之年我可以訓練到麥仔幫我影張女神照


圖為我是個茶壺肥又矮照一張。

---